ایران کی اسلامی انقلابی گارڈ کور (آئی آر جی سی) نے دعویٰ کیا ہے کہ اس نے کویت میں قائم متعدد امریکی فوجی تنصیبات کو نشانہ بنایا ہے۔
آئی آر جی سی کے بیان کے مطابق علی السالم ایئر بیس پر فوجی سازوسامان کے گودام، پیٹریاٹ میزائل دفاعی نظام اور ایم کیو-9 ڈرونز کے ہینگر کو نقصان پہنچایا گیا۔ بیان میں العدیری بیرکس میں امریکی فوجیوں کی رہائش گاہوں، ہیلی کاپٹر ہینگرز اور ایک ٹیلی کمیونیکیشن ٹاور کو بھی نشانہ بنانے کا دعویٰ کیا گیا ہے۔
ایرانی پاسداران انقلاب کا کہنا ہے کہ یہ کارروائیاں ایران میں امریکی حملوں کے جواب میں کی گئی ہیں۔ تاہم ان دعوؤں کی آزاد ذرائع سے تاحال تصدیق نہیں ہو سکی۔