سعودی عرب 2026 میں گیتوں کے عالمی مقابلے “انٹروژن” کے دوسرے ایڈیشن کی میزبانی کرے گا۔ یہ مقابلہ روس کے دارالحکومت ماسکو میں منعقد پہلے ایڈیشن کے بعد اعلان کیا گیا۔
ابتدائی ایونٹ میں 20 سے زائد ممالک نے حصہ لیا، جہاں ویت نام کے گلوکار فاتح قرار پائے۔ سعودی گلوکارہ زینۃ عماد اپنی پرفارمنس کے باعث نمایاں رہیں۔
سعودی میوزک کمیشن کے مطابق آئندہ سال کا مقابلہ جدت، ثقافتی ورثے اور تخلیقی صلاحیتوں کو دنیا کے سامنے لانے کا ذریعہ بنے گا۔ اس ایونٹ میں ریکارڈ تعداد میں فنکاروں کی شرکت متوقع ہے، جو مختلف ممالک کی ثقافتوں کو یکجا کرے گا۔