یوکرین کی جانب جانے والے ایک ترک مال بردار جہاز کو مبینہ طور پر روسی ڈرون حملے کا نشانہ بنایا گیا، جس کے نتیجے میں ایک مصری شہری ہلاک ہو گیا۔
یوکرینی نائب وزیرِاعظم اولیکسی کولیبا کے مطابق یہ واقعہ سوشل میڈیا پلیٹ فارم ٹیلی گرام پر رپورٹ کیا گیا، جس میں بتایا گیا کہ ہلاک ہونے والا 58 سالہ شخص جہاز میں باورچی کے فرائض انجام دے رہا تھا۔
ان کے مطابق جہاز کے عملے میں مصر، ترکیہ اور بھارت کے شہری شامل تھے، جبکہ حملے کے باعث جہاز کو شدید نقصان پہنچا۔ واقعے کے دوران 8 ملاح لائف رافٹ کے ذریعے محفوظ مقام پر منتقل ہونے میں کامیاب ہو گئے۔