سعودی وزیر خارجہ شہزادہ فیصل بن فرحان نے کہا ہے کہ خطے میں بڑھتی ہوئی کشیدگی نہ صرف علاقائی بلکہ عالمی امن، توانائی کی منڈیوں اور معیشت پر بھی اثر انداز ہوتی ہے، اس لیے مسائل کا حل سفارت کاری کے ذریعے تلاش کرنا ناگزیر ہے۔
گلف ریسرچ فورم سے خطاب کرتے ہوئے انہوں نے کہا کہ پائیدار امن کے لیے تنازعات کی بنیادی وجوہات کا خاتمہ، باہمی اعتماد کی بحالی اور ایسا علاقائی نظام ضروری ہے جو ریاستوں کی خودمختاری، عدم مداخلت، اچھے ہمسایہ تعلقات، بحری آزادی اور بین الاقوامی قوانین کے احترام پر قائم ہو۔
انہوں نے مزید کہا کہ خودمختاری اور عدم مداخلت کے اصولوں کی خلاف ورزی کرنے والوں کا احتساب ہونا چاہیے، جبکہ جارحانہ پالیسیاں خطے کے امن، استحکام اور ترقی کے لیے نقصان دہ ثابت ہوتی ہیں۔