امریکی فورسز نے ایران پر مسلسل گیارہویں رات بھی فضائی حملے کیے ہیں۔
امریکی سینٹرل کمانڈ (سینٹکام) کے مطابق ان کارروائیوں کا مقصد آبنائے ہرمز میں تجارتی جہاز رانی کو خطرے میں ڈالنے کی ایران کی صلاحیت کو کمزور کرنا ہے۔
ایرانی میڈیا کا کہنا ہے کہ تبریز، سیریک اور بوشہر میں دھماکوں کی آوازیں سنی گئیں، جس کے بعد فضائی دفاعی نظام فعال کر دیا گیا۔
دوسری جانب ایران نے شمال مغربی علاقے میں ایک ڈرون مار گرانے کا دعویٰ کیا ہے۔
پاسدارانِ انقلاب نے یہ بھی دعویٰ کیا ہے کہ کویت کے علی السالم بیس کے قریب واقع ریڈار کمپلیکس اور بوبیان میں ریڈار سسٹم کو نشانہ بنایا گیا ہے۔