نجران ریجن میں واقع صحرائے ربع الخالی اپنی سنہری ریت اور نیلے آسمان کی وجہ سے قدرت کا ایک منفرد شاہکار ہے، جو موسم سرما میں سیاحوں اور فطرت کے شوقین افراد کو اپنی جانب راغب کرتا ہے۔
ریتیلے ٹیلوں کی بلندی ایک سے دس میٹر تک ہے اور یہ زرد و نارنجی رنگوں میں دلکش نظارہ پیش کرتے ہیں۔ علاقے میں متنوع حیوانات اور نباتات پائے جاتے ہیں جو سخت ماحول میں حیاتیاتی تنوع کو برقرار رکھتے ہیں۔
شرورہ ونٹر فیسٹیول کے دوران گھڑ ریس، اونٹ ریس، صحرائی گاڑیوں کی ریلی، روایتی مارکیٹس اور علاقائی دستکاری کی نمائش جیسے سرگرمیاں منعقد کی جاتی ہیں، جو وزیٹرز کے لیے منفرد تجربہ فراہم کرتی ہیں۔
ٹورسٹ گائیڈ محمد آل مستنیر کے مطابق صحرائے ربع الخالی کے ریتیلے میدان اور ‘عروق بنی معارض ریزرو’ ناصرف قدرتی حسن سے بھرپور ہیں بلکہ پرندوں اور جانوروں کے لیے بھی مثالی مسکن فراہم کرتے ہیں، جبکہ صحرا کی راتیں سیاحوں کے لیے یادگار لمحے پیش کرتی ہیں۔