عالمی نمبر چار ٹینس اسٹار نوواک جوکووچ نے آسٹریلین اوپن میں اسپین کے پیڈرو مارٹینز کو 6-3، 6-2، 6-2 سے شکست دے کر اپنی 100ویں فتح حاصل کی، جس سے انہوں نے اس ٹورنامنٹ میں نیا ریکارڈ قائم کر دیا۔
38 سالہ جوکووچ اب 10 مرتبہ آسٹریلین اوپن کے چیمپئن رہ چکے ہیں اور ان کا مجموعی ریکارڈ 100 فتوحات اور 10 شکستیں ہے۔ وہ 25ویں گرینڈ سلم سنگلز ٹائٹل جیتنے کی کوشش کر رہے ہیں۔
اس کامیابی کے ساتھ جوکووچ نے ومبلڈن میں 102 اور فرنچ اوپن میں 101 فتوحات کے ساتھ اپنے کیریئر کے شاندار ریکارڈز کو مزید مستحکم کیا۔ انہوں نے اپنے 21ویں آسٹریلین اوپن میں شرکت کر کے سب سے زیادہ شرکاء کا ریکارڈ بھی برابر کر لیا اور اپنے 81ویں گرینڈ سلم میں شرکت کر کے سب سے زیادہ گرینڈ سلم کھیلنے کا اعزاز بھی شیئر کر لیا۔