کوئٹہ کے پرنس روڈ پر واقع ایک نجی پلازا میں آگ لگنے سے درجنوں دکانیں جل گئیں۔ ریسکیو اداروں نے بروقت کارروائی کرتے ہوئے آگ پر قابو پا لیا ہے جبکہ کولنگ کا عمل جاری ہے۔
حکام کے مطابق فائر بریگیڈ اور پی ڈی ایم اے کی مجموعی طور پر 10 گاڑیوں نے آپریشن میں حصہ لیا۔ آگ بجھانے کے لیے فائر بال بھی استعمال کیے گئے۔ پلازا میں مختلف نوعیت کی دکانیں موجود تھیں اور قریب واقع بجلی کے نظام کے باعث آگ پر قابو پانا مشکل ہو گیا تھا۔