الجوف ریجن میں ماحولیاتی بحالی کے شعبے میں اہم پیش رفت سامنے آئی ہے، جہاں جنگلی پودوں کے سب سے بڑے پیداواری مرکز کو عالمی سطح پر تسلیم کرتے ہوئے گنیز ورلڈ ریکارڈ دیا گیا ہے۔ یہ اعزاز الجوف نرسری کمپلیکس کو اس کی بڑی پیداواری صلاحیت کی بنیاد پر ملا، جو سالانہ لاکھوں پودے تیار کرتا ہے۔
حکام کے مطابق الجوف نے ایک سال کے دوران بنجر زمین کو قابلِ کاشت بنانے اور ماحولیاتی بحالی کے منصوبوں میں مجموعی طور پر تین عالمی ریکارڈ حاصل کیے ہیں۔ ان میں بیجوں کی بڑے پیمانے پر پیداوار اور ذخیرہ کرنے کے منصوبے بھی شامل ہیں۔
یہ منصوبے صحرا کے پھیلاؤ کو روکنے، چراگاہوں کی بحالی اور سبزہ بڑھانے کے لیے سعودی گرین انیشیٹیو کے اہداف کے تحت جاری ہیں۔ الجوف میں قائم جدید گرین ہاؤسز اور نرسریاں ماحول دوست زرعی ٹیکنالوجی کے ذریعے خطے کی زمین کو دوبارہ قابلِ استعمال بنانے میں اہم کردار ادا کر رہی ہیں۔