حکام نے غیر قانونی طور پر رہنے والے غیر ملکیوں اور جرائم میں ملوث افراد کے خلاف مختلف علاقوں میں کارروائیاں تیز کر دی ہیں۔ ذرائع کے مطابق آپریشنز کے دوران 22 افراد کو حراست میں لیا گیا جن میں 15 افغان شہری بھی شامل ہیں جو غیر قانونی طور پر مقیم تھے۔
یہ کارروائیاں ہمک ٹاؤن، ویسٹریج، نیو ٹاؤن، رتہ امرال، کلر سیداں، واہ کینٹ اور ٹیکسلا میں سرچ اور کومبنگ آپریشنز کے تحت کی گئیں۔ اس کے علاوہ اسلام آباد اور راولپنڈی کے حساس مقامات پر چیکنگ کا عمل بھی جاری ہے، جبکہ مری اور چکوال میں رہائشی علاقوں، بازاروں اور ہوٹلوں کی نگرانی کی جا رہی ہے۔