کراچی میں ہلکی بارش اور تیز ہواؤں کا امکان، دھند سے موٹرویز متاثر

محکمۂ موسمیات کے مطابق آج کراچی میں ہلکی بارش اور تیز ہوائیں چلنے کا امکان ہے۔ تاہم جمعہ اور ہفتہ کو شہر میں درجۂ حرارت میں اضافے کی پیشگوئی کی گئی ہے۔

ادھر بلوچستان کے شمالی، بالائی اور سرحدی علاقوں میں مغربی موسمی نظام شدت اختیار کر چکا ہے، جس کے اثرات مختلف علاقوں میں محسوس کیے جا رہے ہیں۔

شدید دھند کے باعث موٹروے ایم 2 لاہور سے ہرن مینار تک بند کر دی گئی ہے، جبکہ موٹروے ایم 11 بھی ٹریفک کے لیے بند ہے۔ شہریوں کو غیر ضروری سفر سے گریز کی ہدایت کی گئی ہے۔