اسلام آباد پولیس نے گھروں میں وارداتیں کرنے والے ایک ڈکیت گروہ کو سرغنہ سمیت گرفتار کر لیا۔ کارروائی کے دوران تین ملزمان کو حراست میں لیا گیا۔
پولیس ترجمان کے مطابق ملزمان کے قبضے سے ایک کروڑ پندرہ لاکھ روپے سے زائد نقد رقم برآمد ہوئی ہے۔ گرفتار افراد تھانہ لوہی بھیر اور بنی گالہ کے مختلف مقدمات میں پولیس کو مطلوب تھے۔
حکام کا کہنا ہے کہ ملزمان سے مزید تفتیش جاری ہے اور دیگر ممکنہ ساتھیوں کی تلاش بھی کی جا رہی ہے۔