پاکستان تحریکِ انصاف کے چیئرمین بیرسٹر گوہر نے بتایا کہ انہیں اطلاع ملی ہے کہ بشریٰ بی بی کو رات کے وقت اسپتال منتقل کیا گیا ہے۔ انہوں نے مطالبہ کیا کہ اہلِ خانہ کو ان سے ملاقات کی اجازت دی جائے اور بانیٔ پی ٹی آئی کو بھی بہتر علاج کے لیے اسپتال منتقل کیا جائے۔
دوسری جانب خیبر پختونخوا کے معاونِ خصوصی اطلاعات شفیع جان نے بھی بشریٰ بی بی کی صحت پر تشویش ظاہر کرتے ہوئے کہا کہ اس معاملے پر پنجاب حکومت کی خاموشی قابلِ افسوس ہے۔ ان کا کہنا تھا کہ دونوں کی طبی سہولیات میں کوتاہی انسانی حقوق کی خلاف ورزی ہے اور یہ طرزِ عمل قابلِ قبول نہیں۔