ملتان کے معروف حکیم شہزاد المعروف لوہا پاڑ ایک بار پھر خبروں کی زینت بن گئے ہیں۔ اطلاعات کے مطابق انہوں نے نویں جماعت کی ایک طالبہ سے پانچویں شادی کر لی ہے، جس کے بعد سوشل میڈیا پر شدید بحث چھڑ گئی ہے۔
ذرائع کے مطابق حکیم شہزاد پہلے بھی متعدد شادیوں کی وجہ سے خبروں میں رہ چکے ہیں۔ چند سال قبل انہوں نے مرحوم عامر لیاقت حسین کی سابقہ اہلیہ اور ٹک ٹاک شخصیت دانیہ شاہ سے شادی کی تھی۔
حکیم شہزاد مجموعی طور پر پانچ شادیاں کر چکے ہیں، ان کی پہلی اہلیہ کا انتقال ہو چکا ہے اور اس وقت وہ چار بیویوں کے شوہر ہیں۔
حکیم شہزاد کے بڑے بھائی نے تصدیق کرتے ہوئے بتایا کہ لڑکی لاہور سے تعلق رکھتی ہے اور اس کی عمر 18 سال ہے۔ انہوں نے کہا کہ یہ حکیم شہزاد کی رضامندی اور دلہن کی پسند کے مطابق شادی ہے۔
سوشل میڈیا پر اس خبر کے بعد صارفین نے مختلف ردعمل ظاہر کیے ہیں۔ کچھ نے کم عمر لڑکی سے شادی کے اقدام کو تنقید کا نشانہ بنایا، جبکہ بعض نے اس کے قانونی اور سماجی پہلوؤں پر سوالات اٹھائے ہیں۔