آسکر اکیڈمی ایوارڈز 2026ء کے موقع پر متعدد اداکاروں اور فلم سازوں نے غزہ میں جاری فلسطینیوں کی ہلاکتوں اور ایران کے خلاف امریکی و اسرائیلی کارروائیوں کے خاتمے کا مطالبہ کیا۔
لاس اینجلس میں منعقد ہونے والی تقریب میں فنکاروں نے ریڈ کارپٹ پر انسانی جانوں کے نقصان کی جانب عالمی توجہ مبذول کرانے کے لیے علامتی انداز اپنایا۔
ہسپانوی اداکار جیویر بارڈیم نے بیج پہن رکھا تھا جس پر ہسپانوی زبان میں ’NO A LA GUERRA‘ درج تھا، جس کا مطلب ہے ’جنگ نہیں‘، جبکہ ایک اور بیج پر ’فلسطین آزاد‘ لکھا تھا۔
بہترین بین الاقوامی فلم کا ایوارڈ پیش کرتے ہوئے انہوں نے کہا ’نو وار، فری فلسطین‘، جس پر ہال میں موجود شرکاء نے تالیاں بجا کر اپنے ردِعمل کا اظہار کیا۔