سندھ ہائیکورٹ نے شناختی کارڈ کی بندش سے متعلق درخواست پر درخواست گزار کو متعلقہ عدالت سے رجوع کرنے کی ہدایت دیتے ہوئے کہا ہے کہ متعلقہ عدالت سپریم کورٹ کے احکامات کی روشنی میں دو ہفتوں کے اندر فیصلہ کرے۔
سماعت کے دوران نادرا کے وکیل نے مؤقف اختیار کیا کہ شناختی کارڈ نادرا نے نہیں بلکہ عدالتی حکم کے تحت ڈیجیٹل طور پر معطل کیا گیا تھا۔ عدالت نے ریمارکس دیے کہ کسی شہری کو مقدمات کی بنیاد پر غیرمعینہ مدت تک شناختی کارڈ سے محروم نہیں رکھا جا سکتا، تاہم عدالتی احکامات کو براہِ راست کالعدم قرار بھی نہیں دیا جا سکتا۔