خیبر پختونخوا کے ضلع اپر کوہستان کی تحصیل داسو میں فائرنگ کے واقعے میں ایک پولیس کانسٹیبل اور ایک خاتون جاں بحق ہو گئے۔ پولیس نے دونوں کی لاشیں تحویل میں لے کر مقدمہ درج کر لیا ہے۔
پولیس کے مطابق مقدمے میں قتل سمیت دیگر متعلقہ دفعات شامل کی گئی ہیں، جبکہ خاتون کے شوہر، والد، بھائی اور دیگر افراد کو نامزد کیا گیا ہے۔ واقعے کے بعد ملزمان فرار ہو گئے، جن کی گرفتاری کے لیے کارروائی جاری ہے۔