سعودی عرب کے نجران علاقے میں کھجوروں کی پولینیشن یا بارآوری کا سیزن شروع ہو گیا ہے، جو اس اہم زرعی شعبے میں اعلیٰ معیار کی فصل کو یقینی بنانے میں کلیدی کردار ادا کرتا ہے۔ مقامی کاشتکار احمد الصقور کے مطابق یہ مرحلہ ہر سال فروری میں شروع ہوتا ہے جب نئے پھولوں کے گچھے کھجور کے درختوں پر نمودار ہوتے ہیں۔
کاشتکار ہاتھوں سے پولینیشن کرتے ہیں، نر درختوں کے پولن کو مادہ درختوں کے پھولوں تک منتقل کیا جاتا ہے تاکہ پیداوار زیادہ سے زیادہ ہو۔ اس روایتی عمل سے 2,696 ہیکٹر پر موجود تقریباً 526,000 کھجور کے درختوں کو فائدہ پہنچتا ہے، جس سے سالانہ 40 ہزار ٹن سے زیادہ اعلیٰ معیار کی کھجوریں پیدا ہوتی ہیں۔
یہ کھجوریں نہ صرف مقامی مارکیٹ میں دستیاب ہوتی ہیں بلکہ نجران کی معیشت میں ایک مضبوط ستون کے طور پر اہم کردار ادا کرتی ہیں۔