کراچی کے علاقے چکرا گوٹھ کورنگی میں رینجرز اور سی ٹی ڈی نے مشترکہ آپریشن کے دوران شدت پسند نیٹ ورک سے وابستہ تین مبینہ سہولت کاروں کو حراست میں لے لیا۔ حکام کے مطابق ملزمان کے قبضے سے تقریباً پانچ کلو دھماکہ خیز مواد، ڈیٹونیٹر، بال بیرنگ، انتہا پسندانہ مواد اور ایک لیپ ٹاپ برآمد ہوا۔
ابتدائی اطلاعات کے مطابق گرفتار افراد نوجوانوں کو کالعدم تنظیم میں شامل کرنے کے لیے ذہن سازی کر رہے تھے اور شہر کے حساس مقامات کو نشانہ بنانے کی منصوبہ بندی بھی کر چکے تھے۔ مزید تفتیش جاری ہے۔