اسٹینفورڈ یونیورسٹی انسٹی ٹیوٹ فار ہیومن سینٹرڈ اے آئی کی تازہ رپورٹ کے مطابق سعودی عرب مصنوعی ذہانت کے شعبے میں خصوصاً سکیورٹی، پرائیویسی اور کرپٹوگرافی میں عالمی سطح پر نمایاں مقام رکھتا ہے۔
رپورٹ میں بتایا گیا ہے کہ ان شعبوں میں کام کرنے والے اے آئی ماہرین میں تقریباً 15 فیصد کا تعلق سعودی عرب سے ہے، جبکہ بھارت اور متحدہ عرب امارات بھی نمایاں ممالک میں شامل ہیں۔
اعداد و شمار کے مطابق سعودی عرب اے آئی ٹیلنٹ، خواتین کی شمولیت اور نئی ٹیکنالوجی کے استعمال میں بھی تیزی سے آگے بڑھ رہا ہے، اور ملک میں اس شعبے کی ترقی کی رفتار عالمی سطح پر سب سے زیادہ بتائی گئی ہے۔