امریکی سینٹرل کمانڈ کا کہنا ہے کہ ایران کے خلاف ایک نئے فوجی آپریشن کا مرحلہ مکمل کر لیا گیا، جس کے دوران آبنائے ہرمز اور ایرانی ساحلی علاقوں کے قریب متعدد فوجی اہداف کو نشانہ بنایا گیا۔
امریکی فوج کے مطابق کارروائی میں لڑاکا طیاروں، ڈرونز اور بحری جہازوں نے حصہ لیا، جبکہ اس کا مقصد ایران کی بحری اور میزائل صلاحیتوں کو محدود کرنا تھا۔ بیان میں یہ بھی کہا گیا کہ اسی روز ایرانی ساحلی علاقوں کے گرد بحری ناکہ بندی دوبارہ نافذ کر دی گئی۔