بھارت کی ریاست مغربی بنگال میں جانور ذبح کرنے سے متعلق نئے قواعد نافذ کر دیے گئے ہیں، جن کے تحت کسی بھی جانور کو سرکاری اجازت اور صحت کے تصدیقی کاغذات کے بغیر ذبح نہیں کیا جا سکے گا۔
نئے ضوابط کے مطابق صرف ایسے جانوروں کو ذبح کرنے کی اجازت ہو گی جو عمر رسیدہ، بیمار، زخمی یا کام کے قابل نہ ہوں۔ حکام نے یہ بھی واضح کیا ہے کہ ذبح صرف مقررہ مذبح خانوں میں کیا جا سکے گا جبکہ عوامی مقامات پر اس عمل پر مکمل پابندی ہو گی۔
قوانین کی خلاف ورزی کرنے والوں کے لیے قید اور جرمانے کی سزا بھی مقرر کی گئی ہے، جبکہ متعلقہ اداروں کو نگرانی اور معائنہ کرنے کے خصوصی اختیارات دے دیے گئے ہیں۔