کوئٹہ میں پاکستان کسٹمز کے دو اہلکاروں کو مبینہ طور پر بڑی مقدار میں چاندی میں رد و بدل کے الزام میں گرفتار کر لیا گیا ہے۔ ایف بی آر کے مطابق ملزمان کو 688 کلوگرام ضبط شدہ چاندی لاہور منتقل کرنے کی ذمہ داری دی گئی تھی۔
حکام کا کہنا ہے کہ لاہور پہنچنے پر ڈبوں کی جانچ میں انکشاف ہوا کہ تقریباً 400 کلو چاندی کی جگہ سیسہ رکھا گیا تھا۔ اس واقعے کے بعد دونوں اہلکاروں کے خلاف مقدمہ درج کر کے تحقیقات شروع کر دی گئی ہیں۔