جنوبی لبنان کے مختلف علاقوں میں اسرائیلی فوج کی کارروائیوں کے دوران متعدد گھروں کو دھماکوں سے تباہ اور آگ لگا دی گئی۔ لبنانی سرکاری خبر رساں ادارے کے مطابق مجدل زون، المنصوری اور قریبی علاقوں میں گھروں کو نقصان پہنچا۔
رپورٹ کے مطابق المنصوری پر رات گئے فضائی حملے بھی کیے گئے، جن کی آوازیں صور شہر تک سنی گئیں۔ بتایا گیا ہے کہ اسرائیلی فوج نے گزشتہ ہفتے علاقے کے رہائشیوں کو انخلا کا حکم بھی دیا تھا۔