پاکستان ویمن کرکٹ ٹیم کے مینٹور وہاب ریاض نے کہا ہے کہ زمبابوے کے خلاف ہوم سیریز ٹیم کے لیے انتہائی اہمیت رکھتی ہے۔
لاہور میں گفتگو کرتے ہوئے انہوں نے کہا کہ ویمن ٹی ٹوئنٹی لیگ کا آغاز وقت کی ضرورت ہے اور کھلاڑیوں کو غیر ملکی لیگز میں کھیلنے کے زیادہ مواقع ملنے چاہئیں تاکہ ان کی صلاحیتوں میں نکھار آئے۔
انہوں نے مزید کہا کہ زمبابوے کے خلاف سیریز آئی سی سی چیمپئن شپ اور ٹی ٹوئنٹی ورلڈ کپ کی تیاری کے لیے اہم ہے۔
وہاب ریاض کے مطابق ویمن کھلاڑیوں کی فٹنس، فیلڈنگ اور ذہنی مضبوطی پر خصوصی توجہ دی جا رہی ہے، جبکہ تجربے کی کمی بھی ایک بڑا مسئلہ ہے جسے مسلسل تربیت سے بہتر بنایا جا رہا ہے۔