ایران کے صدر مسعود پزشکیان نے کہا ہے کہ ان کا ملک ایک متوازن اور منصفانہ معاہدے کے لیے تیار ہے، جو خطے میں دیرپا امن اور سلامتی کو یقینی بنا سکے۔
انہوں نے روس کے صدر ولادیمیر پیوٹن سے ٹیلیفونک گفتگو میں کہا کہ اگر امریکا بین الاقوامی قانون کے دائرے میں واپس آ جائے تو معاہدے تک پہنچنا زیادہ دور نہیں۔
روسی صدر نے بھی مشرق وسطیٰ کے تنازع میں مفاہمتی کوششیں جاری رکھنے کی پیشکش کی۔
ایرانی صدر نے مزید کہا کہ اگر امریکا اپنی سخت پالیسیوں میں نرمی لائے اور ایرانی قوم کے حقوق کا احترام کرے تو معاہدے کے امکانات مزید مضبوط ہو سکتے ہیں۔