امریکا میں ایران کے معاملے پر سیاسی کشیدگی بڑھ گئی ہے، جہاں ڈیموکریٹ رہنما سینیٹر چک شومر نے صدر ڈونلڈ ٹرمپ کی پالیسیوں کو سخت تنقید کا نشانہ بنایا ہے۔
چک شومر کا کہنا ہے کہ ٹرمپ بغیر واضح حکمتِ عملی کے امریکا کو ایک غیر قانونی اور مہنگی جنگ کی طرف لے جا رہے ہیں۔ انہوں نے اعلان کیا کہ ڈیموکریٹس ایک بار پھر وار پاورز قرارداد پیش کریں گے تاکہ ایران کے خلاف کارروائیوں سے امریکی فوج کو واپس بلایا جا سکے۔
ڈیموکریٹ رہنما نے کہا کہ اگر ریپبلکنز نے اس قرارداد کی مخالفت کی تو انہیں بھی اس جنگ کی ذمہ داری قبول کرنا ہوگی۔