پاکستان نے اقوام متحدہ میں بحرین اور روس کی پیش کردہ قراردادوں کی حمایت کا اظہار کیا ہے۔ سلامتی کونسل میں پاکستان کے مستقل مندوب عاصم افتخار نے کہا کہ پاکستان نے ایران پر امریکی اور اسرائیلی حملوں کی مذمت کی ہے اور خطے میں بڑھتی کشیدگی پر تشویش ہے۔ انہوں نے امید ظاہر کی کہ خلیجی ممالک میں حملے فوری طور پر بند ہوں گے اور آبنائے ہرمز میں جہاز رانی متاثر نہیں ہوگی۔ ان کا کہنا تھا کہ روس کی قرارداد کا مقصد بھی کشیدگی کم کرنا اور فریقین کو مذاکرات کی طرف لانا ہے، جو پاکستان کے مؤقف سے مطابقت رکھتا ہے۔
