مری ایکسپریس وے پر پیش آنے والے افسوسناک حادثے کے بعد فرار ہونے والے ڈرائیور کو موٹر وے پولیس نے گرفتار کر لیا ہے۔ پولیس حکام کے مطابق ملزم کو خفیہ اطلاع کی بنیاد پر اسپتال سے حراست میں لے کر مری پولیس کے حوالے کر دیا گیا، جبکہ اس کے خلاف مقدمہ بھی درج کر لیا گیا ہے۔ یاد رہے کہ اس حادثے میں ایک ہی خاندان کے 10 افراد جان کی بازی ہار گئے تھے جب وین حادثے کا شکار ہونے کے بعد آگ کی لپیٹ میں آ گئی تھی۔
