’نخلستان آرٹ‘: الاحسا فیسٹیول میں مقامی اور بین الاقوامی فنکاروں کی رنگا رنگ نمائش

الاحسا فیسٹیول کے دوران ’نخلستان آرٹ‘ نمائش وزیٹرز کی توجہ کا مرکز بنی ہوئی ہے۔ اس آرٹ ایگزیبیشن میں 153 مقامی اور بین الاقوامی فنکار حصہ لے رہے ہیں، جن میں 100 مقامی، 33 سعودی اور 20 دیگر ممالک سے تعلق رکھنے والے مصور شامل ہیں۔

نمائش میں فنکاروں نے الاحسا کے نخلستانوں کی خوبصورتی اور تخلیقی صلاحیتوں کو اجاگر کیا ہے۔ پینٹنگز کے ساتھ ساتھ لائیو پینٹنگ شوز اور تربیتی ورکشاپس کا بھی اہتمام کیا گیا ہے تاکہ وزیٹرز براہ راست فن کے عمل کو دیکھ سکیں۔

نمائش کے اہتمام کا مقصد مقامی ثقافت، تخلیقی سرگرمیوں اور علاقائی سیاحت کو فروغ دینا ہے۔ اس سال اس کا 11 واں ایڈیشن منعقد ہوا جس کا سلوگن ’ارض الخیر‘ رکھا گیا ہے اور یہ الاحسا میونسپلٹی کے قلعہ میں جاری ہے۔