ایران کے سپریم لیڈر آیت اللّٰہ خامنہ ای نے امریکی صدر ڈونلڈ ٹرمپ پر تنقید کرتے ہوئے کہا ہے کہ تاریخ میں طاقت کے نشے میں ڈوبے حکمرانوں کا انجام سب کے سامنے ہے اور وہی انجام آج کے طاقتور رہنماؤں کو بھی یاد رکھنا چاہیے۔ ان کے مطابق کوئی بھی شخص ہمیشہ اقتدار کے عروج پر نہیں رہتا۔
دوسری جانب ایرانی صدر مسعود پزشکیان نے امریکا اور اسرائیل پر ایران میں بدامنی پھیلانے کا الزام عائد کیا اور کہا کہ بیرونی قوتوں کو ملک میں انتشار پیدا کرنے کی اجازت نہیں دی جائے گی۔ ادھر صدر ٹرمپ کا کہنا ہے کہ ایران بات چیت کا خواہاں ہے اور اس سلسلے میں ملاقات کی تیاری کی جا رہی ہے، تاہم امریکا دیگر سخت آپشنز پر بھی غور کر رہا ہے۔