امریکی شہر لاس اینجلس میں ایران کے خلاف ہونے والے احتجاج کے دوران ایک ٹرک مظاہرین کے ہجوم میں داخل ہوگیا، جس کے نتیجے میں متعدد افراد زخمی ہو گئے۔ دو افراد کو فوری طور پر اسپتال منتقل کیا گیا جبکہ باقی زخمیوں کو موقع پر طبی امداد دی گئی۔
یہ واقعہ ویسٹ ووڈ کے قریب پیش آیا جہاں ایران میں جاری احتجاج کی حمایت میں لوگ جمع تھے۔ پولیس نے ٹرک چلانے والے شخص کو حراست میں لے لیا ہے اور واقعے کی وجوہات جاننے کے لیے تفتیش جاری ہے۔ مزید تفصیلات ابھی سامنے نہیں آئیں۔