بھارت کے شہر بنگلور میں گھریلو تنازع کے نتیجے میں ایک 33 سالہ شخص نے مبینہ طور پر اپنے والدین کو قتل کر دیا۔
بھارتی میڈیا رپورٹس کے مطابق ملزم روہن چندر بھٹ نے بدھ کی صبح تقریباً ساڑھے 7 بجے اپنے ریٹائرڈ فوجی والد اور ڈینٹسٹ والدہ پر چاقو سے حملہ کیا۔
پولیس کا کہنا ہے کہ حملہ گھریلو جھگڑے کے باعث کیا گیا۔ دونوں زخمیوں کو فوری طور پر اسپتال منتقل کیا گیا تاہم ڈاکٹرز نے ان کی موت کی تصدیق کر دی۔ اسپتال کی ڈاکٹر مادھوی نیئر کی مدعیت میں قریبی پولیس اسٹیشن میں مقدمہ درج کر لیا گیا ہے۔
واقعے کے فوراً بعد ملزم کو حراست میں لے لیا گیا اور اسے عدالت میں پیش کیے جانے کی کارروائی جاری ہے۔