لاہور کے سفاری پارک میں چند روز کے دوران 9 شیروں کی ہلاکت کا انکشاف ہوا ہے۔
ایڈیشنل چیف وائلڈ لائف مدثر حسن کے مطابق ہلاک ہونے والے شیر مختلف بیماریوں میں مبتلا تھے جبکہ سفاری پارک میں موجود کچھ شیروں میں معذوری بھی پائی گئی تھی۔ انہوں نے یہ بھی بتایا کہ بیرونِ ملک سے لائے گئے دو زرافے بھی ہلاک ہو چکے ہیں۔
مدثر حسن کا کہنا تھا کہ جانوروں کے تحفظ اور بہتر دیکھ بھال کے لیے ایک کمیٹی تشکیل دی جا رہی ہے تاکہ مستقبل میں ایسے واقعات سے بچا جا سکے۔ انتظامیہ کی جانب سے جانوروں کی نگرانی اور طبی سہولیات کو مزید بہتر بنانے کے اقدامات بھی کیے جا رہے ہیں۔