کراچی کے لیاری ایکسپریس وے ری سیٹلمنٹ منصوبے میں بڑے پیمانے پر مالی بے ضابطگیوں اور جعلی الاٹمنٹس کا انکشاف ہوا ہے۔
ذرائع کے مطابق قومی احتساب ادارے نے ابتدائی جانچ مکمل کرنے کے بعد معاملے کو باقاعدہ تفتیش میں شامل کر لیا ہے۔ تحقیقات میں غیر قانونی پلاٹ الاٹمنٹ، چائنا کٹنگ اور جعلی دستاویزات کے شواہد سامنے آئے ہیں۔
چھاپوں کے دوران ہزاروں فائلیں قبضے میں لی گئیں جن میں بڑی تعداد مشکوک نکلی۔ حکام کے مطابق کئی جعلی منظوری ناموں پر متعلقہ افسران کے دستخط بھی موجود پائے گئے ہیں۔
تحقیقاتی ٹیم نے منصوبے میں تقریباً 8 ارب روپے کی بے ضابطگیوں کی الگ سے مزید تحقیقات کی سفارش بھی کی ہے۔
لیاری ایکسپریس وے منصوبے میں اربوں روپے کی مبینہ بدعنوانی سامنے آ گئی
