بھارتی ڈرامہ انڈسٹری کی معروف اداکارہ جینیفر ونگٹ کی دوسری شادی سے متعلق خبریں سوشل اور بھارتی میڈیا پر زیرِ گردش ہیں۔
رپورٹس کے مطابق 41 سالہ اداکارہ نے مبینہ طور پر سنگاپور سے تعلق رکھنے والے بزنس مین ولیم اشماعیل کی جانب سے دی گئی شادی کی پیشکش قبول کر لی ہے، جس کے بعد ان کی شادی کی تیاریوں کی خبریں بھی سامنے آ رہی ہیں۔
ذرائع کا دعویٰ ہے کہ یہ شادی مکمل عیسائی روایات کے مطابق ہو گی اور ممکنہ طور پر ستمبر سے اکتوبر یا پھر دسمبر سے جنوری کے درمیان منعقد کی جا سکتی ہے۔
واضح رہے کہ جینیفر ونگٹ نے اس سے قبل 2012 میں اداکار کرن سنگھ گروور سے شادی کی تھی، تاہم 2014 میں دونوں کے درمیان علیحدگی ہو گئی تھی۔