کراچی میں شدید گرمی کا سلسلہ جاری ہے اور آج شہر کا درجۂ حرارت 41 ڈگری سینٹی گریڈ تک پہنچ سکتا ہے۔ محکمۂ موسمیات کے مطابق سندھ کے مختلف علاقوں میں آئندہ چند روز تک گرم موسم برقرار رہنے کا امکان ہے جبکہ کراچی میں حبس کے باعث گرمی کی شدت مزید محسوس کی جا سکتی ہے۔
ماہرینِ صحت نے شہریوں کو احتیاط برتنے کی ہدایت کرتے ہوئے کہا ہے کہ زیادہ پانی پیا جائے، غیر ضروری طور پر دھوپ میں نکلنے سے گریز کیا جائے اور ہلکے رنگ کے کپڑے استعمال کیے جائیں۔ انہوں نے خبردار کیا کہ غیر معیاری کھانے اور مشروبات گرمی کے موسم میں مختلف بیماریوں کا سبب بن سکتے ہیں، اس لیے صحت بخش غذا اور صاف پانی کے استعمال کو ترجیح دی جائے۔