بھارتی ریاست اتر پردیش کے ایک گاؤں میں ایک ہی خاندان کے پانچ افراد مردہ پائے گئے، جن میں میاں بیوی اور ان کے تین کمسن بچے شامل ہیں۔
پولیس کے مطابق ابتدائی معلومات سے معلوم ہوتا ہے کہ بچوں کو گلا دباکر قتل کیا گیا، جبکہ خاتون اور مرد نے مبینہ طور پر خودکشی کی۔ واقعے کا علم اس وقت ہوا جب پڑوسیوں نے صبح بچوں کو باہر نہ دیکھ کر گھر کا دروازہ توڑا۔
حکام کو گھر سے ایک ویڈیو بیان اور تحریری نوٹ بھی ملا ہے، جس میں اس اقدام کو ذاتی فیصلہ قرار دیا گیا ہے۔ پولیس واقعے کی مزید تحقیقات کر رہی ہے۔