سینیٹ میں اپوزیشن لیڈر علامہ راجا ناصر عباس نے کہا ہے کہ اپوزیشن ملک کو مزید سیاسی اور معاشی مشکلات سے بچانے کی کوشش کرے گی۔
ایک ٹی وی پروگرام میں گفتگو کرتے ہوئے انہوں نے بیرسٹر سلمان صفدر اور بانی چیئرمین کی ملاقات کو مثبت پیش رفت قرار دیا اور کہا کہ یہ عمل ایک اچھی شروعات ثابت ہو سکتا ہے۔
ان کا کہنا تھا کہ بانی پی ٹی آئی نے انہیں اور محمود خان اچکزئی کو مذاکرات یا احتجاج کے حوالے سے فیصلے کا اختیار دیا ہے۔