سینئر اداکار راجو جمیل نے انکشاف کیا ہے کہ ڈرامہ “انا” کی شوٹنگ کے دوران ہانیہ عامر کی غیر معمولی اداکاری سے متاثر ہو کر انہوں نے ان کا صدقہ دیا تھا۔ ان کے مطابق ہانیہ نے ایک مشکل اور طویل منظر ایک ہی ٹیک میں مکمل کیا، جس پر انہوں نے خوشی اور حوصلہ افزائی کے طور پر ایک ہزار روپے وار کر ان کا صدقہ دیا۔ راجو جمیل کا کہنا تھا کہ اچھا کام کرنے والے فنکاروں کی حوصلہ افزائی کرنا سینئر اداکاروں کی ذمہ داری ہے۔
