سری لنکا کے صدر انورا کمارا ڈیسانائیکے نے ٹی ٹوئنٹی ورلڈ کپ میں پاک بھارت میچ کے انعقاد میں تعاون پر وزیراعظم شہباز شریف کا شکریہ ادا کیا ہے۔
صدرِ سری لنکا کی جانب سے کی گئی فون کال کے بعد پاکستان نے میچ کے انعقاد پر آمادگی ظاہر کی، جس سے کولمبو میں شیڈولڈ مقابلہ برقرار رہا۔ اس معاملے پر بنگلادیش کرکٹ بورڈ نے بھی پاکستان اور چیئرمین پی سی بی محسن نقوی کے کردار کو سراہا۔
سری لنکن صدر نے کہا کہ کھیل کے تسلسل کے لیے پاکستان کا تعاون قابلِ تحسین ہے، جبکہ پاک بھارت میچ 15 فروری کو طے شدہ شیڈول کے مطابق کھیلا جائے گا۔