بھارتی رہنما ششی تھرور نے مشرقِ وسطیٰ کی کشیدہ صورتحال پر ردِعمل دیتے ہوئے کہا ہے کہ بھارت کو ایران سے متعلق تنازع میں امن کی ہر کوشش کی حمایت کرنی چاہیے، چاہے اس میں کردار کسی بھی ملک کا ہو۔
انہوں نے پاکستان کے ممکنہ ثالثی کردار کو ایک اہم پیش رفت قرار دیتے ہوئے کہا کہ اگر یہ کوشش کامیاب ہوتی ہے تو نئی دہلی کو اس کا مثبت خیرمقدم کرنا چاہیے، کیونکہ خطے میں استحکام سب کے مفاد میں ہے۔
تھرور نے خبردار کیا کہ اس معاملے پر غیر ضروری تنقید یا بے چینی سے گریز کیا جائے، کیونکہ کسی بھی ناکام کوشش کے اثرات پورے خطے کو متاثر کر سکتے ہیں۔ انہوں نے مزید کہا کہ بدلتی عالمی صورتحال میں بھارت کو فعال کردار ادا کرنا چاہیے، نہ کہ خاموش تماشائی بن کر رہنا چاہیے۔