صدرِ مملکت آصف علی زرداری نے یومِ دستور پر اپنے بیان میں کہا کہ 1973 کا آئین ملک کی یکجہتی اور نظامِ حکومت کی مضبوط بنیاد ہے، جو اتفاقِ رائے سے تشکیل پایا۔ اُن کے مطابق یہ آئین مختلف چیلنجز کے باوجود ریاستی استحکام اور اداروں کی مضبوطی کا سبب بنا رہا۔
انہوں نے ذوالفقار علی بھٹو کو آئین کا مرکزی معمار قرار دیتے ہوئے کہا کہ سیاسی جماعتوں نے ہر دور میں اس کا تحفظ کیا، جبکہ بینظیر بھٹو کی جدوجہد اور میثاقِ جمہوریت نے جمہوری نظام کو تقویت دی۔
صدر نے زور دیا کہ آئین پر حقیقی عمل درآمد ہی عوام کے حقوق کے تحفظ اور مضبوط جمہوریت کی ضمانت ہے، کیونکہ اصل طاقت عوام کے پاس ہے۔