پاکستان کی ای اسپورٹس ٹیم ’فور تھرائیوز‘ نے انڈونیشیا کے دارالحکومت جکارتہ میں منعقد ہونے والے پب جی موبائل گلوبل اوپن سیزن ون کا ٹائٹل اپنے نام کر لیا۔
مقابلے میں دنیا بھر کی 32 ٹیموں نے حصہ لیا، جن کے لیے 5 لاکھ ڈالر کا انعامی فنڈ رکھا گیا تھا۔ پاکستانی ٹیم نے شاندار کارکردگی کا مظاہرہ کرتے ہوئے فائنل مرحلے میں مجموعی طور پر 122 پوائنٹس کے ساتھ پہلی پوزیشن حاصل کی۔
ترکیہ کی ٹیم دوسرے جبکہ برازیل کی ٹیم تیسرے نمبر پر رہی۔ اس کامیابی کو پاکستان کے ای اسپورٹس کی تاریخ میں ایک اہم سنگ میل قرار دیا جا رہا ہے۔