سعودی عرب نے بلوچستان میں پولیس اور سکیورٹی اہلکاروں پر ہونے والے دہشت گرد حملوں کی سخت مذمت کرتے ہوئے پاکستان کی حکومت اور عوام سے اظہارِ یکجہتی کیا ہے۔
سعودی وزارتِ خارجہ نے اپنے بیان میں دہشت گردی اور انتہا پسندی کی ہر شکل کو مسترد کرتے ہوئے پاکستان کی سلامتی اور علاقائی استحکام کے لیے جاری کوششوں کی حمایت کا اعادہ کیا، جبکہ شہداء کے اہلِ خانہ سے دلی تعزیت کا اظہار بھی کیا۔