خیبر پختونخوا اسمبلی نے استحقاق اور پارلیمانی اختیارات سے متعلق ترمیمی ایکٹ منظور کر لیا۔ نئے قانون کے تحت اسمبلی کی کارروائی، ارکان یا ادارے سے متعلق بعض خلاف ورزیوں پر جرمانے اور قید کی سزائیں برقرار رکھی گئی ہیں۔
اسمبلی سیکرٹریٹ کے مطابق یہ قانونی شقیں پہلے سے 1988 کے قانون کا حصہ ہیں اور ان کا مقصد صحافیوں یا کسی مخصوص طبقے کو نشانہ بنانا نہیں بلکہ اسمبلی کے وقار، استحقاق اور پارلیمانی کارروائی کے تحفظ کو یقینی بنانا ہے۔