اڈیالہ جیل میں عمران خان اور بشریٰ بی بی کی ملاقات

اڈیالہ جیل میں بانی پی ٹی آئی عمران خان کی ان کی اہلیہ بشریٰ بی بی سے ملاقات کروا دی گئی۔ جیل ذرائع کے مطابق یہ ملاقات کانفرنس روم میں ہوئی جو تقریباً 45 منٹ تک جاری رہی، جس دوران دونوں نے ایک دوسرے کی خیریت دریافت کی۔

ذرائع کا کہنا ہے کہ اس سے قبل بھی گزشتہ ہفتے دونوں کی ملاقات ممکن بنائی گئی تھی۔ ملاقات کے موقع پر بشریٰ بی بی کے وکیل کی جانب سے فراہم کیا گیا ضروری سامان جیل انتظامیہ نے وصول کیا، جس میں کمبل، گرم کپڑے، میوہ جات، کھجوریں اور دیگر اشیا شامل تھیں۔