سعودی عرب میں ہیلتھ سیکٹر ٹرانسفارمیشن پروگرام کی کامیابیوں کے نتیجے میں ملک میں اوسط عمر 74 برس سے بڑھ کر 2025 کے آخر تک 79.9 برس تک پہنچ گئی ہے۔
بیان کے مطابق صحت کے شعبے میں پیشرفت کی وجہ کلینکل ٹرائلز میں اضافہ اور جدت ہے، جس میں 2023 سے 2025 کے دوران 51.4 فیصد اضافہ ریکارڈ کیا گیا۔ اس دوران طبی تجربات کرنے والی کمپنیوں کی تعداد 36 فیصد بڑھی اور ٹرائل سائٹس کی تعداد 13 تک پہنچی۔
ہیلتھ سیکٹر ٹرانسفارمیشن پروگرام کے سی ای او ڈاکٹر خالد الشیبانی نے کہا کہ تحقیق میں سرمایہ کاری اب انسانی صحت میں ٹھوس نتائج دے رہی ہے، جو معیار زندگی کو بہتر بنانے اور وژن 2030 کے اہداف سے ہم آہنگ ہیں۔
یاد رہے کہ عالمی یوم صحت ہر سال سات اپریل کو منایا جاتا ہے تاکہ صحت کے اہم مسائل اور سب کے لیے پائیدار صحت مند مستقبل پر توجہ دی جا سکے۔