پاکستان کے نائب وزیراعظم و وزیر خارجہ اسحاق ڈار نے سعودی عرب، ترکی اور مصر کے وزرائے خارجہ سے ٹیلی فون پر رابطے کیے، جن میں خطے کی صورتحال، سلامتی اور استحکام کے لیے کی جانے والی سفارتی کوششوں پر تبادلہ خیال کیا گیا۔
دفتر خارجہ کے مطابق اسحاق ڈار نے اپنے ہم منصبوں کو پاکستان کے عزم اور مذاکرات کے ذریعے امن کے فروغ کے اقدامات سے آگاہ کیا۔
یہ رابطے وزیراعظم شہباز شریف کی امریکی صدر ڈونلڈ ٹرمپ سے درخواست کے بعد ہوئے، جس میں ایران کو دی گئی ڈیڈلائن میں دو ہفتے کی توسیع کی سفارش کی گئی تھی۔