وزیراعظم شہباز شریف نے مشرقِ وسطیٰ میں جاری کشیدگی کے پرامن حل کے لیے سفارتی کوششوں کو مزید وقت دینے کی ضرورت پر زور دیا ہے۔
انہوں نے امریکی صدر ڈونلڈ ٹرمپ سے درخواست کی کہ ڈیڈ لائن میں دو ہفتوں کی توسیع کی جائے تاکہ مذاکرات کو مؤثر انداز میں آگے بڑھایا جا سکے۔
وزیراعظم کے مطابق سفارتکاری مسلسل اور مضبوط انداز میں جاری ہے، اور جلد مثبت نتائج سامنے آنے کی توقع ہے۔ انہوں نے ایران سے بھی اپیل کی کہ خیرسگالی کے طور پر آبنائے ہرمز کو عارضی طور پر کھول دیا جائے، جبکہ تمام فریقین دو ہفتوں کے لیے جنگ بندی اختیار کریں۔
ادھر صدر ٹرمپ نے بھی اشارہ دیا ہے کہ ایران کے ساتھ بات چیت میں پیش رفت ہو رہی ہے، جس کے باعث ڈیڈ لائن میں توسیع ممکن ہے۔